Gure xedea

Durangoko Udal Euskaltegia Durangoko Udalaren Erakunde Autonomoa da; haren jarduera-eremua udalerria da, batik bat, eta zerbitzu publiko bezala, haren zeregina helduen euskalduntzea eta euskararen erabileraren normalizazioa, Euskal Herriaren hizkuntzaren eta balio historiko eta kulturalen ezagupena, onarpena eta transmisio bizia, alegia. Horretarako, honako hau daukagu:

• Talde profesionala, prestatua, lehiakorra eta konprometitua.
• Arreta pertsonalizatua.
• Metodologia eta teknologia aurreratua eta ikasleen beharrizanetara egokitua.
• Fisikoki eta ekonomikoki zerbitzu eskuragarria.
• Zerbitzu jasangarria.
• Bikaintasuna xede duen kudeaketa-sistema.

Nahi dugun euskaltegia

Gure lan esparruan erreferentziako zentroa izatea, bai euskararen irakaskuntzan, hedapenean eta normalizazioan egindako lanagatik, bai lortutako emaitza akademikoengatik. Hau guztia berrikuntza aintzat harturik. Hau da,

• Ordu lektiboen kopuruari eutsita.
• Gure eginkizunean normalizazio arloan indar gehiago eginda.
• Erabiltzaileen asetasun maila 8,5-9 tarteari eutsita.
• Pertsonen asetasun maila 8,5-9 tarteari eutsita.
• Jasangarritasun, irisgarritasun eta efizientzia mailari eutsita.
• Durangaldean ezagunagoak izanda.

Ditugun balioak

Gure eginkizunerako pertsonak zutabe garrantzitsua dira, bai erabiltzaileak bai langileak. Horretarako, honako balio hauek hartuko ditugu ardatz:

• Profesionaltasuna (Ekitatea eta justizia, talde lana, proaktibitatea…)
• Errespetua
• Enpatia
• Etengabeko hobekuntzaren aldeko jarrera
• Erakundearekiko eta gizartearekiko konpromisoa
• Gardentasuna